«Халық дәстүрі – асыл қазына»
14.06.2019
2019 жылдың 14 маусым күні Жаңақорған аудандық балалар кітапханасы мен Бесарық ауылдық кітапханасының ұйымдастыруымен қазақтың салт-дәстүрін насихаттау барсында «Халық дәстүрі – асыл қазына» атты сайыс өткізілді.
Мақсаты: Балаларға қазақ халқының салт-дәстүрі мен әдет-ғұрпының тәрбиелік мәнін ұғындыру, балалардың бойына адамгершілік, имандылық қасиеттерін қалыптастыру, халық өнегесін үйрету.
Шараны аудандық кітапхана директоры Ә.Тілеубергенова ашып, балаларға қазақтың салт-дәстүрлері жайлы айта кетіп, сайыста сәттілік тіледі. Екі топқа бөлінген балалар сайыс шарттары бойынша сұрақтарға жауап беріп, халықтың атадан балаға көшіп, жалғасып және дамып отыратын тарихи әлеуметтік, мәдени-тұрмыстық, салт-сана, әдет-ғұрып, тәлім-тәрбиесі және рухани іс-әрекеті жайлы деректермен де қамтылып өтті. Шара соңы марапатпен жалғасты.
