«Елбасы — елдің тұтқасы» портрет кеші

29 қараша күні Жаңақорған аудандық орталық кітапханасының ұйымдастыруымен №51 М.Қаратаев атындағы қазақ орта мектебінде 1 желтоқсан – ҚР Тұңғыш Президенті күніне орай «Елбасы – елдің тұтқасы» атты портрет кеші өткізілді. Мақсаты: Н.Назарбаевтың өмір жолы, қызмет еткен жылдары, жеткен жетістіктері жайлы мағлұмат беру; Оқушыларды Елбасының өмір жолынан үлгі ала отырып, Отанын, халқын сүюге, ержүректікке, азаматтыққа, патриоттық сезімге тәрбиелеу.

Шара барысында кітапханашы «Нұрсұлтан Назарбаев — тұлға және саясаткер» атты кітап көрмесімен таныстырып, шарада Елбасының балалық шағынан бастап бүгінгі күнге дейінгі өмірі мен ел жетістіктері жайлы оқырмандарға айтып өтіп, шараны ашып берді.  Елбасына оқушылар арнау арнады және қанатты сөздері мен өмірбаяны жайлы баяндап, патриоттық әндер шырқалды. Сондай-ақ шарада Жаңақорғанның құрметті азаматы, ақын-сазгер  Ж.Бегманова, мектеп директорының оқу ісінің орынбасары Т.Оспанов сөз сөйлеп, оқушыларға, ұйымдастырушыларға алғысын білдіріп, шараны қорытындылады.