«Рухани жаңғыру ұрпақ тәрбиесі»

Жаңақорған аудандық балалар кітапханасының оқу залында 2020 жылдың  14 ақпан күні   «Болашаққа бағдар: Рухани жаңғыру» бағдарламалық мақаласына орай  «Рухани жаңғыру ұрпақ тәрбиесі» тақырыбында кітап көрмесі жасалып, көпшілік оқырмандарға таныстырылды.

Мақсаты: Балаларға тарихымыздағы құндылықтарымызды дәріптей отырып қадам басуға баулу.

Кітапханашы М.Бибасарова  оқырманға туған жерге, отанға деген құрметті арттыру керек екенін, Сыр өңірінің қасиетті киелі орындары, осы өлкеден шыққан аузы орақты билер мен шешендер, ақын-жыраулар мен әулие-әнбиелер, тарихи ескерткіштер пен тарихи қалалар туралы айта өтіп, егемен еліміздің жетістіктері жайлы жазылған кітаптарға да тоқталды. «Мәңгілік Қазақстан», «Ұлытау», «Сыр өңірінің шежіресі» атты кітаптарға тоқталып, оқырмандарға оқуға кеңес берді.