«Әлем таныған ұлы Абай» поэзия кеші

20 ақпан күні  Еңбек ауылдық кітапханасының ұйымдастыруымен қазақтың бас ақыны, ұлы дана, ойшыл, композитор, поэзия пайғамбары Абай Құнанбаевтың 175 жылдық мерей тойы аясында дана Абайдың артына қалдырған өшпес мұрасын кейінгі ұрпаққа ұлықтау және оқырманның бойына ақыл мен парасатты, сөз құдіреті мен көркем сөздің мәйегін сіңіріп, рухани жағынан жетілуіне жол бастау мақсатында «Әлем таныған ұлы Абай» атты поэзия кеші өткізілді.

Шара «Абай» прологымен ашылып, кітапханашы Абайды ұлықтап, асыл мұрасы, ақындық бейнесі кеңінен әңгімеленіп танытылды. Шара барысында оқушылар ақынның «Көзімнің қарасы», «Желсіз түнде жарық ай» әндерін орындап,  Абай туралы сөз алып, өлеңдерін оқыды. Кітапханада  «Абай мұрасы –асыл қазына» кең көлемді кітап көрмесіне шолу берілді. “Жырын жаттап, пір тұту парыз болар, Абайды тереңірек тану бізге» — дегендей, Абайдың жыры жатқа оқылып, Абайдың мұрасы тереңірек танытылды.