«Біз — Алтын Орда мұрагеріміз»

24 ақпан күні Сүттіқұдық ауылдық кітапханасы мен клуб үйінің ұйымдастыруымен Алтын Орданың 750 жылдығына орай  «Біз — Алтын Орда мұрагеріміз» атты тарихи кеш өткізілді.

Шара барысында ауыл әкімі Абдуллаев кешті ашып, Алтын Орда мемлекеті мен Қазақ хандығының тарихына, хандарына тоқталып, оқушылар  Алтын Орданың құрылу тарихы, жүргізген ішкі-сыртқы саясаты мен саяси экономикалық даму ерекшеліктері, қоғамдық құрлысы мен оның әлсіреуі жайында ой өрбітті. Алтын Орда хандары жайлы видеоролик және хандар өмірінен көрініс көрсетілді. Шараға 7-8 сынып оқушылары қатысты. Шараның мақсаты: Алтын Орданың құрылуын, Алтын Орда – Жошы ұлысының орнына құрылған алғашқы ірі мемлекеттердің бірі екендігін түсіндіру және жастардың отанын сүюге, тарихи ескерткіштерді қадірлеп, батырлыққа, ұлтжандыққа, ерлікке тәрбиелеу.