«Тәуелсіздік — мәңгілік елдің тұғыры»

Жаңақорған аудандық балалар кітапханасының ұйымдастыруымен 13 қаңтар күні ҚР Тәуелсіздігіне  30 жыл толуына орай «Тәуелсіздік — мәңгілік елдің тұғыры» атты кітап көрмесінің ашылуы өткізілді. Мақсаты: Оқушылардың өткен тарихымызға деген ұлттық көзқарастарын қалыптастыру. Туған жерді, отанын сүюге және егемен елімізді сақтауға және оны гүлдендіруге құштар патриоттық күш–қуаты мол жастарды тәрбиелеу. Желтоқсанда мерт болған қазақ қыздары мен жігіттерінің рухына, ерлігіне деген тағзым.

Шараны балалар кітапханасының меңгерушісі М.Жиенбаева ашып, кітапханашы Ж.Тулешова оқырманға еліміздің тәуелсіздік алған сәтінен бастап бүгінге дейінгі жүріп өткен жолы туралы еңбектері және тәуелсіздік жылдарында баспадан шыққан әдебиет туындыларымен қамтылған  «Тәуелсіздік – мәңгілік елдің тұғыры» атты  кітап көрмесімен таныстырды. Көрмеде  Қазақстан тарихында халқымыздың ұлттық сана-сезімінің қалыптасуындағы, оның қазіргі әлемдегі өз рөлі, тәуелсіздік пен мемлекетіміздің егемендікке қол жеткізгендегі маңызды кезеңдері туралы ақпарат береді және Тәуелсіздік тарихы, 1986 жылы 16 желтоқсан оқиғасына түрткі болған себептер мен демократия жолында құрбан болған ұл-қыздардың ерліктері жайында материалдар ұсынылды. Кітапхана оқырманы Б.Ерсұлтанұлы жерлес ақыны Ә.Сыздықовтың  «Еліме тілек» атты өлеңін оқыды. Кітапхана директоры Ә.Тилеубергенова құттықтап сөз сөйлеп, шараны «Жаңақорған тынысы» газетінің тілшісі М.Патенова қорытындылады.