«Білім кілті – кітапханада»

29 маусым күні Жаңақорған аудандық балалар кітапханасында өнер мен мәдениетті дамытуға серпіліс беретін Павлодар облысы, Успен ауданы мен Жаңақорған ауданының өзара рухани-мәдени ынтымақтастық меморандумы аясында, 2021 жыл — балалар мен жасөспірімдердің кітап оқуын қолдау жылына орай «Білім кілті – кітапханада» атты интелектуалдық шоу өткізілді. Мақсаты: Оқырманға білімнің кітап арқылы берілетіндігін ұғындыру, кітапқа деген қызығушылықты арттыру. Шараға Павлодар облысы, Успен ауданының мәдениет саласының қызметкерлері қатысып, «Бір ел – бір кітап» акциясына арналған кітап көрмесімен, «Кітапхана – ғажайыптар мекені» атты кітап инсталияцияларымен,  балалар ақыны А.Сопыбековке арналған арнайы бұрышпен танысты. Шарада оқырмандар   мақал-мәтелдің жалғасын тауып, ертегі кейіпкерлерін ыммен, қимыл-қозғалыспен суреттеп, анимациялық топ «Алтын көпірдің» күзетшілері Аю мен Түлкіге  қазақтың жөн-жоралғылары туралы  сұрақтарға жауап беріп, өз білімдерін көрсетті. Балалар бір-бірінің қолынан ұстап, бір-біріне жылы тілектерін білдірды. Шара соныңда «Мейірхан» балабақшасының  тәрбиеленушісі Еркін Дарын «Жұлдыз боп жанам мен» әнін орындап, көпшіліктің құрметіне бөленді.