«Оқитын адам үлгі аларлық тұлға» атты интервью-кездесу

26 тамыз күні Жаңақорған аудандық кітапханасының Оқырмандарға қызмет көрсету бөлімі «Парасат жолы» жобасы аясында «Оқитын адам үлгі аларлық тұлға» атты интервью-кездесу  ұйымдастырды.

Мақсаты: оқырмандарға жол көрсете отырып жастар арасында кітап оқуды жандандыру,кітапты, кітапхананы насихаттау.

«Оқитын адам үлгі аларлық тұлға» атты интервью кездесуіміздің қонағы ауданымыздың белгілі азаматы, ҚР Халықаралық Жазушы және Журналистер одағының мүшесі, зейнеткер, кітапханамыздың тұрақты оқырманы Шайдарбек қажы Әшімұлы. Кездесу аясында қонағымызға түрлі сұрақтар қойылды. Сұрақтар барысында жастар арасындағы кітап оқуға деген құлшыныстарының төмендеуіне жастарға қандай бағыт-бағдар бересіз деген сұраққа қонағымыз өз ойын бүкпесіз жеткізді. Қазіргі таңда ұялы телефонға телміру, интернеттің торынан шыға алмауы жастардың арасында белең алып келетінін айтты, сондай-ақ жастарды кітап оқуға шақырады. Кездесу соңында өзінің жақында жарыққа шыққан «Өткен әзиз әулиелер» атты кітабын кітапханаға сыйға тартты.