«Тәуелсіздік — Қазақстанның санғасырлық арманы» атты тақырыптық кеш

29 қараша  күні  Кейден ауылдық кітапханасы мен «Көркем сөз» үйірмесінің жетекшісі Зиятова Сайра «Сардар клуб» мүшелерінің қатысуымен  1 желтоқсан Қ.Р. Тұңғыш  Президент  күніне  орай «Тәуелсіздік — Қазақстанның санғасырлық арманы»   атты  тақырыптық кеш болып өтті.

Шараның  мақсаты: Оқырмандарға Елбасының өмір жолы, туып- өскен, оқып білім алған, қызмет еткен жерлері туралы мағлұмат беру. Елбасының өмір жолынан үлгі ала отырып Отанын, халқын сүюге, ержүректілікке, азаматтылыққа патриоттық  сезімге  тәрбиелеу.  Оқырман  жүрегінде  Елбасына   деген сүйіспеншілік сезімін ояту, құрметтеуге  тәрбиелеу.

Шараға  көпшілік  оқырман  қатысып, өлеңдер  оқылды.  «Елін сүйген Елбасы» атты кітап көрмесі  ұйымдастырылып, елбасының балалық шағынан бастап еңбек еткен жолдары туралы кітаптарға шолу жасалды.  «Көркем сөз» үйірмесінің жетекшісі Зиятова Сайра өз ой-пікірімен бөлісті.