«Елін сүйген, елі сүйген — Елбасы» атты кітап көрмесі

2021 жылы 29 қараша күні №1кенттік кітапханасының және «Нұр-Ақжан» балабақша тәрбиешілерінің ұйымдастыруымен 1 желтоқсан Тұңғыш Президент күніне орай «Елі қалаған Елбасы» атты ертеңгілік өтті. Сонымен қатар кітапханашылар сол шараға орай «Елін сүйген, елі сүйген — Елбасы» атты кітап көрмесін жасады.

Шараның мақсаты қазақ халқының Тұңғыш Президенті Нұрсұлтан Әбішұлы Назарбаевтың өмір жолы, туып-өскен, оқып білім алған, қызмет еткен жерлері туралы мағлұмат беру. Елбасының өмір жолынан үлгі ала отырып отанын, халқын сүюге, ержүректілікке, патриоттық сезімге тәрбиелеу.

Ертеңгілікке «Нұр-Ақжан» балабақша басшысы Боранбаева Раушан, меңгерушісі Бейімбетова Назерке, тәрбиеші Ибадуллаева Балзия және бүлдіршіндер ата-аналары қатысты. Шара соңында кітапханашы Иманбаева Ұлсерік кітап көрмесімен, Нұр-Сұлтан қаласының және Елбасының әсем суреттерімен  таныстырып, бүлдіршіндерге қызықты ертегілер оқып берді. Көрмеге Өмірәлі Жалаиридің «Елбасы біреу, ел оған тіреу», «Елбасы сыныптастары», Айтбай Сәулебектің «Елбасының алтын бесігі», «Қазақстан Республикасының Тұңғыш Президенті Нұрсұлтан Назарбаев. Қызмет хроникасы» және т.б кітаптары қойылды.