«Тәуелсіздік биік сенің айбының» атты тарихи кеш

14 желтоқсан күні Жаңақорған аудандық балалар кітапханасының ұйымдастыруымен ҚР Тәуелсіздігіне 30 жыл толуына орай  «Тәуелсіздік биік сенің айбының» атты тарихи кеш өткізілді.

Мақсаты: оқушылардың өткен тарихымызға деген ұлттық көзқарастарын қалыптастыру. Елді, Отанын сүюге және егемен елімізді сақтауға және оны гүлдендіруге құштар патриоттық күш қуаты мол жастарды тәрбиелеу. Желтоқсанда мерт болған қааақ қыздары мен жігіттерінің рухына, ерлігіне деген тағзым ету.

Шара ҚР Гимнімен ашылып, қазақтың ұлттық биімен басталды. Аудандық оқушылар үйінің оқушылары тәуелсіздікке арналған жыр жолдарын  оқып, «Тәуелсіз елдің қызымын», «Атамекен» әндерін шырқады.  Балалар кітапханасының кітапханашысы З.Садыкова «Тәуелсіздік — мәңгілік елдің тұғыры» атты кітап көрме-инсталяциясымен таныстырып, оқушылар   «Желтоқсан оқиғасы» және  «Жастардың алаңға шығуы» атты көрніс көрсетіп, аудандық оқушылар үйінің бұқаралық білім меңгерушісі П.Мадиярова, психолог М.Утебекова шараға қатысушыларды мерекемен құттықтап, ұлт мерекесіне тәуелсіздігіміздің тұғыры биік, егемендігіміз баянды болсын деген ізгі ниеттерін оқушылар өнерлері арқылы білдірді. Шараны кітапхана меңгерушісі М.Жиенбаева қорытындылап, қатысушыларға алғысын білдірді.