«Қайырымдылық жылы жүректен» атты танымдық кеш

2021 жылдың қараша айында Төменарық ауылдық кітапханасының ұйымдастыруымен «Ел арқауы — Елбасы» халықтың әлеументтік әлсіз топтарын қолдауға арналған жалпыұлттық қайырымдылық акциясы аясында «Қайырымдылық жылы жүректен» атты танымдық кеші өтті.

Шараның мақсаты оқушыларға қайырымдылық туралы түсінік беріп, олардың бойында жанашырлық, қайырымдылық сезімдерін дамыту. Кешті кітапханашы Н.Есіркепова жүргізді. Шараға №223 орта мектептің интернат оқушылары қатысты. Кітапханашы оқушыларға қайырымдылық деген – мейірімді адам айналасындағыларға тек жақсылық жасап, көмек қолын беру екенін түсіндірді. Оқушылар «Қайырымды бала» жайлы мәтінді оқып, балалармен бірігіп талдау жасады. Шара соңында Қайырымдылық — көмекке құштар адамдарға іс жүзінде жақсылық жасау, осы орайда клуб ұжымы мен кітапхана ұжымының демеушілігімен оқушыларға оқу құралдарын сыйға тартып, «Наз коңыр» тобы «Балбырауын» күйін орындады.