«Дәуірдің ұлы ұстазы» атты кітап көрмесі

2022 жылы 12 қаңтар күні №1 кенттік кітапхананың ұйымдастыруымен Ахмет Байтұрсынұлының 150 жыл толуына орай «Дәуірдің ұлы ұстазы» атты кітап көрмесі ұйымдастырылды.

Кітап көрмесінің мақсаты қазақ халқының әлеуметтік, саяси, мәдени, тарихи өмірінде орны айрықша зор тұлға-Ахмет Байтұрсынұлының халықтық тәлім-тәрбиелік ойларының негізінде оқушылар бойына адамгершілік, ұлтжандылық, отансүйгіштік қасиеттерді дарыту, ақын, педагог-ұстаздың құнды мұраларын дәріптеп, жас ұрпақты ұлттық рухта тәрбиелеу. Кітапханашы А.Ибрагимова келген оқырмандарға көрмедегі қойылған Ахмет Байтұрсынұлы кітаптарымен таныстырып, оқырмандарды ақынның шығармаларын оқуға шақырды. Көрмеге ақынның көмтомдық шығармалары, «Әдебиет танытқыш» атты, «Тіл тағылымы», «Қазақ тіл білімінің мәселелері», «Ақ жол», тілтанымдық мұрасы, Р.С. Имаханбетованың Ахмет Байтұрсынұлы жайлы жазған «Ғасыр саңлағы» атты кітабы және т.б 20-ға жуық кітаптары және журналдар, суреттер қойылды.