«Балбөбектер, балалар — болашағы елімнің» атты ертеңгілік

1 ақпан күні Жаңақорған аудандық балалар кітапханасында 2022 жыл — Балалар жылына орай «Бағнұр» балабақша-бөбекжайының бүлдіршіндері мен балабақшаның музыка жетекшісі Ф.Маханованың қатысуымен «Балбөбектер, балалар — болашағы елімнің» атты ертеңгілік өткізілді. Мақсаты: Бүлдіршіндерді ерте жастан кітап оқуға қызықтыру, кітапханамен таныстыру, бүлдіршіндердің уақытын қызықты да пайдалы өткізу. Кішкентай бүлдіршіндерге кітапханашы Ж.Төлешова  балаларға арналған қызықты кітаптармен таныстырды және  балалар  жұмбақтарға жауап берді. «БАУЫРСАҚ» ертегісінен қуыршақтар қойылымын тамашалады. Ән айтып, би билеп, өз өнерлерін көрсетіп, кітапханашы апайларына алғыстарын білдірді.