«Балбөбектер, балалар — болашағы елімнің» атты кітап көрмесі

16 ақпан күні «2022 жыл – Балалар жылының» ашылу салтанатына байланысты «Бала бақыты» атты Манап Көкенов атындағы мәдениет үйінде Жаңақорған аудандық балалар кітапханасының «Балбөбектер, балалар — болашағы елімнің» атты кітап көрмесі көпшіліктің көңілінен шықты. Көрме төрт бөлімнен балалар ақыны Адырбек Сопыбековтың шығармашылығынан кітаптар, Балалар жылына арналған балалар әдебиетінен «Ойдың қазығы оқу», мұнан бөлек «Даналық көпірі», «Кітап ханшайымы», «Оқымысты профессор», «Шығармашылық шатыры» секілді кітап инсталяциясы түрлі-түсті безендіріліп, керемет көрініспен ұсынылды. Кітаптардан жасалған «Білім құдығы» инсталяциясы жанында түрлі ойындар ойнатылып, сұрақтарға дұрыс жауап берген балаларға сыйлықтар ұсынылды.

Жалпы, көрмеге таңдаулы 200-ден астам кітап қойылды.