«Ұлт тарихындағы кеңістік пен уақыт» тақырыбында онлайн ақпараттық шолу

Бесарық бекеті ауылдық кітапханасының ұйымдастыруымен ақпан айының 7-сі күні Елбасының «Ұлы даланың жеті қыры» мақаласына орай  «Ұлт тарихындағы кеңістік пен уақыт» тақырыбында онлайн ақпараттық шолу өткізілді.

Мақсаты: Оқырмандарға Н.Ә. Назарбаевтың «Ұлы даланың жеті қыры» атты мақаласы жайлы және мақалада аталған тарихымыз туралы түсіндіру.Отанының тарихын, мәдениетін мақтан етіп, патриоттық сезімін күшейту және ел тарихын өскелең ұрпаққа насихаттау.

Ақпараттық шолу барысында  атқа міну мәдениеті, ұлы дала халқының  ежелгі металлургия өндіру ісімен мақтанатынын, түркі әлемінің бесігі болған еліміз, Еуропа мен Азияны жалғаған  Ұлы Жібек жолы, Алтын адам, аң стилі  мен еліміздің  алма мен қызғалдақтар Отаны екендігі жайында,  ежелгі замандарда біздің жеріміздегі дала өркениетінің технологиялық тұрғыдан қаншалықты қарқынды дамығанын көрсететіні жайында және мақалаға толығырақ мәліметтер берілді.Сондай-ақ түркі әлемінің генезисі, дала фольклоры мен музыка үлгілері және ұлы тұлғалардың есімдері көрсетілді.