«Барлығы балалар үшін» акциясы

16 наурыз күні аудандық балалар кітапханасы 2022 жыл — Балалар жылына орай, аудандық оқушылар үйінің «Көркемсөз» үйірмесінің жетекшісі С.Зиятовамен бірлесе отырып, «Барлығы балалар үшін» кітап оқу акциясы аясында жерлес ақын, Қазақстан Жазушылар одағының мүшесі Жүсіп Қыдыровтың туғанына 85 жыл толуына орай «Поэзия парасатын пайымдаған ақын» атты поэзия кеші ұйымдастырылды. Мақсаты: Оқырмандарға жергілікті ақын-жазушылардың өмір жолы мен шығармаларымен таныстыру, шығармашылыққа баулу, сөйлеу мәдениетін дамыту.

Шара барысында кітапханашы З.Садыкова ақынның өміржолы мен шығармашылығымен таныстырып, оқушылар  «Туған жер», «Жасыл жаннат», «Мен туған жер», «Жел», «Сұлулыққа құмартпай ма бар адам»  атты   өлеңдерін жатқа мәнерлеп оқыды. Оқушылар ақынның  өмірбаянынан сандыққа жасырылған сұрақтарға жауап беріп, кештен алған әсерлерімен бөлісті. Оқушылар үйінің ұстазы С.Зиятова  «Жүсіп Қыдыров ұмытуға тиісті талант емес, кейінгі ұрпақтармен бірге жай беретін кәделі, кемел дарын» дей отырып шараны қорытындылады.