«Балалар әдебиетінің абызы» тақырыпта жыр кеші

Сүттіқұдық ауылдық кітапханасында 2022 жылдың 16 мамыры күні Жаңақорған ауданының құрметті азаматы А. Сопыбековтың туылғанына 85 жыл толуына орай «Балалар әдебиетінің абызы» тақырыпта жыр кеші өткізілді.

Мақсаты : Ақынның өмірімен шығармаларын насихаттай отырып, оқушылардың поэзияға деген сүйіспеншіліктерін арттыру, танымдық қабілеттерін дамыту. Қаратаудың етегінде туып, өсіп, барша мағыналы ғұмырын, табиғат дарытқан ақындығын туған еліне сыйлаған балалар ақыны бұл күндері балалар әдебиетінің абызы атанды. Ақынның балаларға арнаған еңбектерін оқи отырып, қазақи сұлу мінезімізді сәби бойына қалыптастырған ықпалын терең тануға болады. Ақынның поэзия әлемі қазақ балалар әдебиетінен ойып орын алады. Дана әрі дара қаламгердің әр бір кітабы балабақша мен бастауыш сынып ұстаздары үшін үлкен көмекші құрал. Шараға  бастауыш сынып оқушылары қатысты. Кітапханашы жазушы өмірімен таныстырып, «Періште мінезді ақын» « атты көрмесіне шолу жасады. Көрмеге жазушының Айналайын, Шешілген жұмбақ,Қорасан ата  Бәйтерек,  Көңілді біздің күніміз т. б кітаптары қойылды. Оқушылар ақынның «Әліппе» , «Кітап», «Уықтар», «Көңілді біздің күніміз», «Домбыра», «Босаға» т.б. өлеңдерінен жатқа айтып шықты. Балалар ақынның өмірбаянымен танысып, өлеңдерін жатқа айта отырып кештен мол рухани әсер алды.