«Жұлдызды қала — Елорда» тақырыбында әдеби сазды кеш

Түгіскен ауылдық клубында клуб, кітапхана қызметкерлерінің ұйымдастыруымен 2022 жылдың  6 шілде күні Елорда күніне орай «Жұлдызды қала — Елорда» тақырыбында әдеби сазды кеш өтті.

Мақсаты: Еліміздің бас қаласы, әсем қаламыз туралы мәлімет беру.Бас қаланың тарихымен таныстыра отырып, қаланың көрікті жерлерін насихаттау, жастарды Отансүйгіштікке, елжандылыққа тәрбиелеу.

Елорда күні мерекесі клуб үйінің алдында ұйымдастырылды. Шара басталардан бұрын кітапханашы А.Көшербаев көпшілікті «Ел жүрегі — Елорда» атты кітап көрмесімен таныстырды. Мерекелік шараны ауыл әкімі С.Туғанбаев құттықтау сөз сөйлеп ашты. Әнші Ләззат Қожабаева «Сыр елім» әнін орындады. Оқушылар «Арайлы Астанам», «Елордасы елімгің» «Қазақстан» өлеңдерін жатқа оқыды. Жас әнші Сайфулла Фахреддин «Ассалаумағалейкум» әнін орындады. Ауылдық әйелдер кеңесінің төрайымы Айша Наубаева көпшілікті мерекемен құттықтап, Елорда күнінің маңыздылығын айтып өтті. Жас інші Құрманбай Ақтоты «Қазағым» әнін тебіренте орындады. Болат Бақберген «Қызық екенсің» әнін орындады. Шара соңы мерекелік концетке ұласып, жастардың би кеші ұйымдастырылдлы.