«Тәуелсіздік теңдесі жоқ байлығым»

Жаңақорған ауданы №1 кенттік кітапханасында «Парасат жолы» жобасы аясында 16-желтоқсан Тәуелсіздік күніне орай «Тәуелсіздік теңдесі жоқ байлығым» атты танымдық сағаты өткізіліп, сол тақырыптағы кітап көрмесімен таныстырылды. Мақсаты: Тәуелсіздік тарихына шолу жасау. Оқырмандарды елжандылыққа, отансүйгіштікке баулу. Қайрат Рысқұлбеков, Ляззат Асанова, Сәбира Мұхаметжанова, Ербол Сыпатаевтың өмір жолдарымен танысу және артында қалған мұраларын қастерлеп, халық батырларының рухына тағзым ету. Кітапханашы Садыкова Замира Тәуелсіздігіміздің қаншама ата-бабаларымыздың қанымен, жанымен келгенін, олардың Отан алдында көрсеткен ерліктері жайлы әңгімелеп беріп, соңында кітап көрмесімен таныстырды. Көрмеге «Тәуелсіздік толғауы» сериясымен шыққан көптеген авторлардың жинақтары, «Жыр тұғырым-Тәуелсіздік», М.Тоқашбаевтың «Тәуелсіздік — тынысым», А.Ә.Осман «Тіл тәуелсіздігі — ел болашағы» атты және т.б. көптеген кітаптармен толықтырылды.