«Тәуелсіздік-елімнің ерлік жолы»
13.12.2022
Бесарық бекеті ауылдық кітапханасының ұйымдастыруымен желтоқсан айының 13-і күні «Ғасыр қызығушылық» клуб мүшелерінің қатысуымен 16 желтоқсан ҚР-ның Тәуелсіздік күніне орай «Тәуелсіздік-елімнің ерлік жолы» тақырыбында кітап көрмесі ұйымдастырылып, шолу жасалынды.
Мақсаты: Оқушыларға қазақ халқының тәуелсіздік жолындағы ерлік күресі мен ғасырлар бойы басынан өткен қиыншылықтарын айта келіп, осы қиын жылдары елінің азаттығын, еркіндікті аңсаған ұлт зиялыларына тоқталу. Тәуелсіз Қазақстанның 31 жыл ішіндегі қол жеткен жетістіктерімен таныстыру. Қаншама құрбандықпен қол жеткен тәуелсіздігімізді құрметтей, қастерлей білуге тәрбиелеу, Қазақстанның келешегі үшін аянбай еңбек етуге шақыру. Оқушылар бойында отансүйгіштік-патриоттық сезімдерін тәрбиелеу.
Кітапханашы оқырмандарға тәуелсіздік туралы кеңінен мағұлмат беріп, кітап көрмесіне шолу жасады. Кітап көрмесі еліміздің тәуелсіздік алған сәтінен бастап бүгінге дейінгі жүріп өткен жолы туралы қаламгерлердің жазған еңбектері мен тәуелсіздік жайында өлең шумақтармен, дәйек сөздерден жасалды.
