«Туған жерім — киелі мекенім» атты  әдеби караоке

10 қаңтар күні  Жаңақорған аудандық балалар кітапханасының ұйымдастыруымен «Туған жерге   тағзым» жобасы аясында   «Туған жерім — киелі мекенім» атты  әдеби караоке өткізілді.

Мақсаты: Оқушылардың отан, туған жер құндылықтары туралы түсініктерін кеңейту, туған ел, туған жердің адам өміріндегі маңыздылығын түсіндіру, туған жерін сүюге, қадірлеуге, әдемілікке тәрбиелеу. Шараға «Қыран» жеке мектебінің 6 сынып оқушылары мен ұстазы Ф.Маханова қатысты. Кітапханашы Ж.Тулешова шараны жүргізіп, балаларға туған жерге байланысты  сұрақтар қойып, жауаптар алды. Оқушылар «Кең дала», «Ауылым», «Туған жер», «Атамекен»  әндерін караокемен шырқады. «Алтын бесік – ата жұрт» атты кітап көрмесімен танысып, кітапханашы Ж.Ибраимова библиографиялық шолу жасады. Кітапханашыларға алғысын білдірген балалар керемет көңіл күймен тарап, кітапханаға жаңадан 5 оқушы тіркелді.