«Аталар сөзі – ақылдың көзі» атты сайыс

9 ақпан күні А.Сопыбеков атындағы Жаңақорған аудандық кітапхананың Оқырмандарға қызмет көрсету бөлімінің ұйымдастыруымен Билібай ауылының №255 негізгі орта мектептің оқушылары және ұстаздарының қатысумен «Аталар сөзі – ақылдың көзі» атты сайыс болып өтті.

Мақсаты: Оқушыларды қазақ даласында өмір сүрген орақ тілді шешендердің асыл сөздерімен таныстыра отырып, сөз қадірін түсінуге, туған тілінің құдіретін сезінуге, ана тілін, ұлтын, Отанын қастерлеуге тәрбиелеу.

Шараға келген оқырмандарды оқырмандарға қызмет көрсету бөлімінің меңгерушісі Алжанова сайыс  барысымен  таныстырды. Сайыс «Мақалдың жалғасын тап» атты библиошар, крассворд ұйымдастырылды. Сонымен қатар «Туған жерім-тұнған шежіре» атты жұлдызды карта ойыны, «Кітап оқып-рухани бай бол», атты 4 кезеңнен тұрады. Осы кезеңдер бойынша ортақ сұрақтар беріліп, сұраққа дұрыс жауап берген оқушыларға сайыс тәртібі бойынша жетон  берілді. Ең көп жетон жинаған оқушыларға  кітапхана атынан алғыс хат табысталды.  Сондай-ақ «Есіңе мені алғайсың» әні караокемен айтылды. Кітапханашы А.Шарап «Бір ел – бір кітап» акциясы аясында «Құпия есіктің құлпын ашқан қаламгер» атты кітап көрмесімен таныстырып шараны қорытындылады. Шараға 26 адам қатысты.