«Атамекен – алтын бесік» атты кітаптарын сыйға тартты

Асыл ойлар қазынасы – кітапқа, кітапханаға деген құрметін сезініп, көпшілік кәдесіне жарасын деген оймен кітапханамызға құнды тарту жасаған Жаңақорған ауданының Құрметті азаматы, КСРО Медицина ісінің үздігі, «Алтын дәрігер» медалінің иегері Қалаш Басхожаев бүгін Жаңақорған аудандық кітапханаға сонау Астана қаласынан келіп, «Атамекен – алтын бесік» атты кітаптарын сыйға тартты.

Бұған дейін «Айтылмаған ән…» және «Аяқталмайды ән» атты қос бірдей еңбегі жарық көріп, кітапханаға сыйға берген болатын.

А.Сопыбеков атындағы аудандық кітапхананың директоры Асемкүл Манапқызы кітап – алдыңғы буынның өскелең ұрпаққа қалдырар асыл мұрасы, рухани өсиеті екендігін айта келіп, кітапхана кітап қорының толықтырылуына үлес қосып отырған елжанды азамат Қалаш Басхожаевтың жомарттығы мен ықыласы үшін алғысын білдірді.