«Жан жарасына айналған Ауғанстан» тақырыбында кітап көрмесі

Жаңақорған ауданы, Құттықожа ауылдық кітапханасының ұйымдастыруымен Кеңес әскерінің Ауған жерінен шыққанына 34 жыл толуына орай Ауған ардагерлерінің құрметіне «Жан жарасына айналған Ауғанстан» тақырыбында кітап көрмесі ұйымдастырылды.

Мақсаты: Ауған оқиғасының тарихи мағыналық ақиқатын ашу. Тәуелсіздік жолында күрескен ағаларымыздың ерлігін кейінгі ұрпаққа үлгі ете отырып, жастарды отансүйгіштікке, ерлікке баулу, Ауған соғысы ардагерлеріне құрмет көрсету.

Шара барысында кітапханашы Ауған соғысында болған батырларымыздың соғыс кезінде  көрген  қиыншылықтары мен бастан кешірген оқиғаларын айтып, «Жауынгер хаты» монологын оқыды.

«Ауғанның от жалыны» атты кітап көрмесімен кітапханашы таныстыра келе соңынан «Борыш» кітабында ақын Ә.Сыздықовтың «Тағдыр» өлеңінен үзінді оқыды. Сондай-ақ оқырмандарға Ауған  соғысының ардагері Бақытбек Смағұлдың «Тағдыр тозағы», Амангелді Жантасовтың «Жартасты жастанған жасақ», «Қара майордың мұсылман батальоны» атты кітаптарын оқуға ұсынды. Оқушылар «Досқа сыр», «Жаңақорған» әндерін нақышына келтіре орындады. Шара соңында кітапханашы келген қонақтарға алғысын айтып, қонағымызға сый-сияпат жасап, шараны қортындылады.