«Қош келдің, Әз Наурыз» мерекелік шара

Түгіскен ауылында 2023 жылдың 20 наурыз күні ауыл әкімдігінің қолдауымен, клуб, кітапхана, өнер мектебі қызметкерлерінің ұйымдастыруымен наурыз мерекесіне орай «Қош келдің, Әз Наурыз» атты мерекелік шара өтті.

Мақсаты: Оқырманға қазақ халқының ұлық мерекесі Наурыз мейрамы жөнінде түсінік бере отырып, халқымыздың салт – дәстүрлерін жан – жақты насихаттау, жастарды шынайылыққа, адамгершілікке, ұлтжандылыққа тәрбиелеу. Ата – бабамыздың асыл қасиеттерін бойларына дарыту,

Шара барысында ауыл әкімі Серік Туғанбаев көпшілікті наурыз мерекесімен құттықтап, өзінің  ауыл халқына деген ақ тілегін білдірді, сонымен бірге сала үздіктерін алғыс хаттармен мараппаттады. Сахна шымылдығы өнер мектебінің оқушыларының қазақша биімен ашылып, «Наурыз амал» әнін көркемөнерпаздар үйірмесі жанынан құрылған квартет орындады. Оқушылар «Наурыз көктем», «Мереке күніңмен», «Төрлет Наурыз», «Қызымын елдің бақытын тапқан өнерден» әндерін орындады. Мерекелік шарада ас беріліп, «Наурыз көжеден» ауыл тұрғындары дәм татты. Түрлі ұлттық ойындар мен спорттық жарыстар ұйымдастырылды.