«Наурызым мерекем — Наурызым берекем» тәлім сағаты

17 наурыз күні аудандық балалар кітапханасының ұйымдастыруымен «Сағыныш-Ш» балабақшасында бүлдіршіндердің қатысуымен «Наурызым мерекем — Наурызым берекем» атты тәлім сағаты және  N51 М.Қаратаев атындағы мектептің кітапханасында 7 сынып оқушыларымен наурыз мейрамына орай, «Армысың әз Наурыз» атты таным сағаты өткізілді.

Шара барысында «Ұлттық мереке – ұрпаққа өнеге» атты кітап көрмесі жасалып, оқырмандарға таныстырылып, көрніс көрсетіліп, балалар наурыз мейрамына байланысты ән айтып, би билеп өз өнерлерін көрсетті. Кітапханашы М.Бибасарова баланы бесікке салу дәстүрін көрсетті. Сондай-ақ мектеп оқушылары  күй тартып, «Шаттық» биі биленді.