«Мағжан мұрасы мәңгілік» атты әдеби кеш

Бесарық бекеті ауылдық кітапханасының ұйымдастыруымен және «Ғасыр» қызығушылар клубы мүшелерінің қатысуымен сәуір айының 19-ы күні  Ақын Мағжан Жұмабаевтың туғанына 130 жыл толуына орай «Мағжан мұрасы мәңгілік» атты әдеби кеш өткізілді.

Мақсаты: Жыр пырағы – Мағжан туралы деректер беру, өмірі мен поэзия жанрындағы еңбектерінен мағлұмат беру. Ақын шығармалары арқылы оқушылардың әдебиетке деген таным — біліктерін шыңдау, ой-өрісін арттыру, ауызша сөйлеу мәдениетін дамыту, сұраққа жауап беру, ойлау, шеберлігін дамыту. М.Жұмабаев шығармашылығын үлгі ете отырып, отансүйгіштікке, сұлулыққа, тәрбиелеу.

Әдеби кеш барысында сыршыл ақынның дүниеге келуі, туған жері туралы айта келіп, ұлтымыздың көрнекті ақыны Мағжан Жұмабаевтың поэзиядағы рөлі, шығармашылығы туралы айтылып, ақын өлеңдерін кітапхана оқырмандары мәнерлеп оқыды. Шара 3-кезең бойынша өткізілді. 1-кезең Сұрақ-жауап, 2-кезең Сөзжұмбақ, 3-кезең Бес жолды өлең.