«Қайсар рухты қаламгер» атты танымдық сағат
15.05.2023
2023 жылдың 15 мамыр күні Бірлік ауылдық кітапханасының ұйымдастыруымен көрнектi жазушы, журналист Сейдахмет Бердiқұловтың 90 жылдық мерейтойы аясында «Қайсар рухты қаламгер» атты танымдық сағат өтті.
Мақсаты: Оқырмандарды жазушы өмірімен, шығармашылығымен таныстыру және оларды көркем шығарма оқуға тарту.
Шара барысында кітапханашы жазушының өмірі мен шығармашылығына тоқталып, оқырмандарды қаламгердің қоғамдық қозғалысқа күш беруші спорт әлемінің қыр-сырын көркем түрде баяндаған «Жұмыр жерде теңбіл доп», «Аспаннан шұға жауған күн» атты шығармаларымен таныстырып өтті. Кітапханамыздың тұрақты оқырманы, Шымкент қаласындағы «Мирас» колледжінің «Бастауыш білім беру педагогикасы мен әдістемесі» бөлімінің студенті Аянқызы Жансезім С.Бердіқұловтың «Желаяқ» әңгімесінде «Желаяқ бала» атанған Ғұсман Қосановтың өмірінен қысқаша мағлұмат беріп өтіп, жасөспірімдерді салауатты өмір салтын үстануға, спортпен шұғылдануға шақырды. Қатысушылар назарына «Қазақ баспасөзінің қайталанбас тұлғасы» атты презентазия ұсынылды. Онда оқырманға патриоттық тәрбие беретін өзектілігімен құнды шығармаларына шолу жасалды.
