«Жүректе мәңгі өшпейді жауынгер аты» атты танымдық сағат

2023 жылдың 5 мамыр күні Бірлік ауылдық кітапханасының ұйымдастыруымен 9 мамыр — Ұлы Жеңіс күніне орай «Жүректе мәңгі өшпейді жауынгер аты» атты танымдық сағат өтті. Іс-шараға С.Қожанов атындағы N55 орта мектептің 7-8 сынып оқушылары қатысты.

Мақсаты: Оқушыларға Ұлы Отан соғысы жайлы, оның алапат қиындықтары, Ұлы Жеңістің бізге оңайлықпен келмегені туралы мағлұматтар беру. Отанға деген сүйіспеншілігін арттырып, патриоттық рухта тәрбиелеу.

Көрмеге Ұлы Отан соғысы жылдарындағы қазақстандықтардың қосқан үлесі, олардың батырлық ерліктері туралы материалдар, сол кездегі кеңес халқының ержүректілігі мен төзімділіктерін паш ететін, қазақ батырларының каһармандықтарын баяндайтын кітаптар ұсынылды. Сонымен қатар соғысқа қатысқан майдангер-жазушылардың шығармалары да көрмеден орын алды. Шарада Ұлы Отан соғысы тарихы зерделеніп, адамзат тарихындағы орасан құрбандықтармен ерекшеленген қанқилы соғыстың тұтануына себеп болған жағдайлар жөнінде ақпарат берілді. Ұлы Отан соғысы туралы деректі фильмдер көрсетіліп, өлеңдер оқылып, кітап көрмесіне шолу жасалды. Атап айтатын болсақ, Ж.Молдағалиевтің «Батыр туралы баллада», С.Мәуленовтің «Батыр мен аты туралы баллада», Х.Ерғалиевтің «Өтелген парыз» атты жырлары мәнерлеп жатқа оқылды.