«Еңсесі биік — Ұлы жеңіс» атты іс-шара

А. Сопыбеков атындағы аудандық орталық кітапханасы мен оқушылар үйі орталығымен бірлесе отырып, «Еңсесі биік — Ұлы жеңіс» атты іс-шара өткізілді.

Мақсаты: Ұлы Отан соғысына қатысушылардың есімін ұлықтау және өскелең ұрпақты патриоттық рухта тәрбиелеу.

Шара Қазақстан Республикасының әнұранымен ашылып бір минут үнсіздікпен еске алумен басталды. Шараны ашқан Оқушылар үйінің басшысы міндетін атқарушы Эльмира Қасымжанқызы ұландарды мерекемен құттықтап ерлердің даңқы жөнінде айтты. Мұнан әрі Мәншүк Маметованың монологын А.Таубай мәнерлеп оқып, А.Диханбай «Отан» патриоттық әнін, Г.Тұрсынхан «Мәншүктің анасына хат жазуы» атты көріністі сомдады. Оқушылар “Сарбаздар” биін биледі. «Жеңістің рухы биік, даңқы мәңгі» атты кітап көрмесімен Адырбек Сопыбеков атындағы аудандық кітапхананың кітапханашысы Замира Садықова таныстырып, отан соғысы жайында кітаптар мен слайд мазмұны бойынша сұрақ-жауап ұйымдастырылды. Оқушылар үйінің басшысы міндетін атқарушы Эльмира Қасымжанқызы оқушылар мен ата-аналарға үлкен әсер сыйлаған шараны ұйымдастырушы Зухра Әлімбекова мен Мақпал Кадирбергеноваға алғысын білдірді. Шара соңында оқушылар өздерінің арнауларын оқып, «Бірлігіміз жарасқан» атты хормен шараны қорытындылады.