«Бала деген бір бақыт» атты тақырыпта ертеңгілік

      Жаңақорған ауданы, Ақсуат ауылдық кітапханасының ұйымдастыруымен 1 маусым – Балаларды қорғау күніне «Гүл-Арман» балабақшасында «Бала деген бір бақыт» атты тақырыпта ертеңгілік болып өтті.

Мақсаты: балалардың жеке қасиеттерін дамыту, тақпақ, өлең, әндерді нақышына келтіріп айтуға үйрету. Бір-бірін сыйлауға, адамгершілік қасиеттерін жоғалтпай ұстауға жетелеу.

Шара барысында бүлдіршіндердің қатысуымен «Мақта қыз бен мысық» ертегісі қойылды. Балалардың орындауында «Қуыршақ», «Қара Жорға», «Радуга» билері, «Әр қашан күн сөнбесін», «Баубақша белдер», ағылшын тілінде «А В С» әндерін орындады. Балалармен түрлі мерекелік ойындар ойнатылып, сыңғырлаған күлкілері ертеңгіліктің әрін ашты. Мерекелік ертеңгілік соңында «Гүл-Арман» балабақшасының әдіскері бөбекжай ашылғалы үш жыл бойы жұмыс  жасап келе жатқан Абиева Айгерім Үсенқызының балаларға арналған тәтті шашуы таратылды.