«Аңыз бенен ертегі еліктіре ертеді» — атты сыр сандық ойыны

2023 жылдың 30 мамыр күні  Бірлік ауылдық кітапханасының ұйымдастыруымен  1маусым — балаларды қорғау күніне орай «Аңыз бенен ертегі еліктіре ертеді» — атты сыр сандық ойыны өткізілді. Шараға №7 «Қызғалдақ» бөбекжайының меңгерушісі, тәрбиешілер, бастауыш сынып оқушылары қатысты.

Мақсаты: Халқымыздың асыл мұрасын, салт дәстүрін құрметтеуге, өнеріне жақын болуға тәрбиелеу, ертегі, аңыз әңгімелер арқылы адамгершілік, достық, мейірімділік, еңбексүйгіштік қасиеттерге баулу.

Ойынымыз «Ерте, ерте, ертеде…» ертегінің атын тап, «Ойындар топтамасы», «Сандар сыры», «Аңыз түбі- ақиқат» — атты бөлімдерді қамтыды. Слайд арқылы көрсетілген ертегілердің суреттерінен оқушылар ертегінің атын, кейіпкерлерін жарыса тапты. Ойындар топтамасында «Шындыққа бір қадам», «Бүлінген телефон» ойындары ойнатылды. «Сандар сыры» айдарында «3,7» сандарының қасиетті  ұғымдарын атап  оқушылар өз біліктіліктерін көрсете білді. «Аңыз түбі — ақиқат» атты айдарымызда «Мінезді тәрбиелеу», «Алма толы шелек», «Бақыт» атты аңыз әңгімелерден сыр шертілді.