«Баланың қуанышы – бағымыз»
30.05.2023
Қандөз ауылдық кітапханасының ұйымдастыруымен 1 маусым – Халықаралық балаларды қорғау күніне орай №22 «Балдырған» балабақшасының бүлдіршіндері кітапханаға саяхатқа келді. Балаларға кітапхана туралы және ережелерінен жалпы мағұлматтар берілді. «Баланың қуанышы – бағымыз» кітап көрмесіне қойылған жаңа әдебиеттермен таныстырылып, білім әлеміне саяхат жасады. Ең қызықты ертегілер, сансыз сұраққа жауап беретін энциклопедиялар мен көркем суретті балалар кітаптары ұсынылды. Балаларға арналған кітап көрмесі балаларға қызықты болып, қолдарына кітап алып, парақтап мақтанышпен алғашқы кітабында таңдап жатты. Саяхаттан естелік қолтаңба ретінде балалар саусақтарын қағазға бастырып, күннің шуағын жасады. Бүлдіршіндер тәрбиешілерімен естелікке суретке түсті.
