«Кітапханашы-мәртебелі мамандық» тақырыбында ақпараттық сағат

Бесарық бекеті ауылдық кітапханасының ұйымдастыруымен қазан айының 24-і күні Кітапханашылар күніне орай «Кітапханашы-мәртебелі мамандық» тақырыбында ақпараттық сағат өткізілді. Мақсаты: Кітапханашы мамандығын жас ұрпаққа таныстыру, насихаттау. Мамандықты құрметтеуге, бағалауға тәрбилеу. Білімділіктерін арттырып, ой өрістерін кеңейту.

Бүгінде рухани өміріміздің өзегі іспеттес ғылымды көпшілік оқырманға, ертеңгі ел тізгіні ұстар жас жеткіншек ұрпаққа насихаттауда, рухани мәдени байлығымызды ұрпақтан — ұрпаққа жеткізуші кітапхана болса, сол байлықты өз оқырманына таныстырып, табыстырушы өзіндік тұлға, ол – кітапханашы.

Шарада кітапханашы мамандығы жайында кітапханашы жан-жақты ақпараттар берді. Мамандық бойынша оқушылар өз ойларын, пікірлерін ортаға салды. Берілген ақпараттарға байланысты сұрақтар қойылып сұрақ-жауап болды.