«Тәуелсіздік – тартуы ол тәңірдің» тақырыбында тарихи кеш

Түгіскен ауылдық клуб үйінде клуб, кітапхана қызметкерлерінің ұйымдастыруымен 2023 жылдың 15 желтоқсан күні Қазақстан Республикасының Тәуелсіздік күніне орай «Тәуелсіздік – тартуы ол тәңірдің» тақырыбында тарихи кеш өтті. Мақсаты: Тәуелсіздік күні, Желтоқсан оқиғасы туралы мағлұмат, оқушыларға патриоттық тәрбие беру. Отанды сүюге, елжандылыққа баулу. Желтоқсан оқиғасында елдің қамын жеген аға-әпкелердің ерліктерін насихаттау, үлгі тұту, тарихын білуге үйрету.

Мәдени шарада Қазақстан Республикасының мемлекеттік гимні орындалып, шараны  ауыл әкімінің орынбасары Қ.Көшербаев сөз сөйлеп ашты. №256 орта мектебінің 7 сынып оқушысы Әмит Айшолпан ақын Қалқаман Саринның «Тәуелсіздік» өлеңін мәнерлеп жатқа оқыды. Клуб үйінің қызметкері Ләззат Қожабаева сазгер Әбиірбек Тінәлиевтің «Желтоқсан желі» әнін орындады. №209 орта мектебінің оқушылары Бейсенбай рамазан мен Тұрсынхан Аружандар «Егемен елім бар»,«Тәуелсіздік таңы атты» өлеңдерін жатқа оқыды. Ләззат Қожабаева «Жақсы көрем қазақ дейтін елімді» әнін орындады. Клуб үйінің директоы Б.Тасқожаева желтоқсан оқиғасы жайлы, аға –әпкелеріміздің көрген қиыншылықтары жайлы естеліктермен бөлісті. Кітапханашы А.Көшербаев «Тәуелсіз Қазақстан – тұғырлы ел» тақырыбында жасалған кітап көрмесін көпшілікке таныстырды, Кешті Б.Тасқожаева «Атамекен» әнімен аяқтады.