«Ұлттық әдебиетіміздің классигі» атты кітап көрмесі

10 қаңтар күні №1 кенттік кітапханасының ұйымдастыруымен «Бір ел-бір кітап» акциясы аясында балалар жазушысы Б.Соқпақбаевтың 100 жылдығына орай «Ұлттық әдебиетіміздің классигі» атты кітап көрмесі жасақталды.

Көрменің мақсаты: Оқырмандарға жазушы өмірі мен шығармашылықтарын таныстыра отырып, әлемге танылған әйгілі шығармасы туралы білімдерін толықтыру. Көркем шығармаларды оқуға деген қызығушылығын ояту.

Шара барысында кітапханашы Ә.Сағатқызы балаларға арнап шығарма жазу, сол арқылы кішкентай оқырмандардың құрметіне бөленіп жүрген шоқтығы биік, бірегей таланттардың бірі – Бердібек Соқпақбаевтың өмір жолы, шығармалары, балаларға арналған әңгімелері жайлы әңгіме өрбітіп, «Менің атым Қожа» атты фильмі жайлы айтты.

Көрмеге жазушының «Менің атым-Қожа», «Балалық шаққа саяхат», «Бердібек Соқпақбаев туралы естеліктер» және «Шығармалары» том 1, том 2, том 3 кітаптары және суреттер, дәйексөздер қойылды.