«Алғысым шексіз сіздерге!» тақырыбында мерекелік кеш

Түгіскен ауылдық клуб үйінде ауыл әкімдігінің қолдауымен кітапхана, клуб қызметкерлерінің ұйымдастыруымен 2024 жылдың 29 ақпан күні 1 наурыз «Алғыс айту» күніне орай «Алғысым шексіз сіздерге!» тақырыбында мерекелік кеш өтті. Мақсаты: Алғыс айту мерекесіне орай ауылымыздың белсенді азаматтарына алғыс білдіру. Алғыс айту ұғымын кеңейту, сыйластық құндылықтарын арттыру.

Шара барысында балалар өнер мектебінің би үйірмесінің «Қамажай» биімен ашылып, ауыл әкімінің орынбасары Қ.Көшербаев көпшілікті мерекемен құттықтап, ауылдың ауылшаруашылығын дамытуға белсене қатысқан азматтар мен қоғамдық мәдени шаралардың өтуіне белсенді түрде жұмыс жасап жүрген бірқатар азаматтарды ауыл әкімінің алғыс хатымен марапаттап, сыйлықтар табыс етті. Клуб үйінің қызметкері Л.Қожабаева «Қызымын елдің бақытын тапқан өнерден»,  «Айдана» бөбекжай балабақшасының қызметкерлері «Анаға сағыныш» әнін орындаса, оқушылар «Ұстазыма мың алғыс!», «Ата – анама мың алғыс», «Алғыс айтамын бәріңе» атты өлеңдерін оқыды. Жас әнші Құрбанәлі Сұлтанов «Сен ғана» әндерін орындаса, клуб үйінің жанынан құрылған квартет «Алғыс» әнін орындады. Сондай-ақ балалар өнер мектебінің домбырашылары «Ерке сылқым» күйін, Қ.Есімсейітов «Анашым» әнін, клуб үйінің қызметкері алғыс айту күніне алғысын білдіре отырып «Ауылдастарым» әнімен шараны қортындылады.