«Сағынтып кеткен Бексұлтан» атты еске алу кеші

2024 жылдың 19 наурыз  күні  Жаңақорған ауданы, Кейден ауылдық кітапханасының ұйымдастыруымен «Адал адам» мәдени — тәрбие орталығының тұжырымдамасының «Әлем — Воок» жобасы аясында Қазақстанның еңбек сіңірген мәдениет қайраткері, сазгер, әнші Бексұлтан Байкенжеев туғанына 75 жыл толуына орай «Сағынтып кеткен Бексұлтан» атты еске алу кеші болып өтті. Мақсаты: Сыр өңірінің тума таланты, өнер саңлағы Бексұлтан Байкенжеевтің өмір жолы мен таныстыра отырып әндерін айту, ақын — сазгердің өнерін насихаттау. Оқушының ой — өрісін дамыту, әнге деген құштарлығын арттыру, отанға, тілге және әнге деген құрметін арттыру.

Шара барысында Бексұлтан Байкенжеевтің өмірбаяны мен шығармашылығы туралы айтылып, оқушылар «Ол ән салғанда», «Бексұлтан ағаға!», «Ізі қалған», «Қаратаудың қасиетінен жаралдың ба?», «Сиқыр әуен» өлеңдерін оқыса,  «Ақбаян» әнін орындады. Кітапханашы Ш.Әлжан «Әуелеп ұшқан ән-өмір» атты кітап көрмесіне библиографиялық шолу жасады.