«Қайғылы жолдың тарихы» атты тарихи сағат

Бесарық бекеті ауылдық кітапханасының ұйымдастыруымен «Ғасыр» қызығушылық клубы мүшелерінің қатысуымен мамыр айының 29-ы күні Саяси-қуғын сүргін құрбандарын еске алу күніне орай  «Қайғылы жолдың тарихы»  атты тарихи сағат, кітап көрмесі өткізілді. Мақсаты: Алаш партиясының тарихы, ел тәуелсіздігін аңсаған, ұлт болашағы үшін жанын пида еткен Алаш қайраткерлерінің өмірі, қоғамдық-саяси қызметі туралы ақпараттандыру, ұлт зиялыларын еске түсіру. Кеңес Одағы кезіндегі Қазақстанда салынған еңбекпен түзеу лагерьлерінің тарихына шолу жасау. Оқушылардың отаншылдық сезімін арттыра отырып, қиындыққа төзе біліп, болашаққа деген сенімдерін жоғалтпауға тәрбиелеу.

Тарихи сағатымыз Саяси қуғын сүргін  кезінде қаза болғандары бір минут үнсіздікпен еске алудан басталды. Шара барысында кітапханашы  ұлт зиялыларының елінің тәуелсіздігі жолында  күрескен қаһармандығы мен күрескерлік ерліктері жайында айтып өтті. Кітапханашы «Тарихтан тағлым,өткенге тағзым» атты кітап көрмесіне шолу жасап, кітап көрмесіне ұлт зиялыларының  кітаптар мен саяси қуғын – сүргін құрбандарының фотосуреттері қойылды.