Халық ағарту ісінің маршалы

16 қазан күні М.Көкенов атындағы мәдениет үйінде  Еңбек және соғыс ардагері, «Қызыл жұлдыз», «Ұлы Отан соғысы», «Октябрь революциясы» ордендерінің, СССР және Қазақ ССР-і Оқу ісінің үздігі, КазССР-нің еңбек сіңірген мүғалімі, Жаңақорған ауданының «Құрметті Азаматы»  Әбіласан  Әшірбековтің туғанына 105 жыл толуына орай «Ұлағатты ұстаз жолы» атты ғылыми-танымдық конференция аясында   «Халық ағарту ісінің маршалы» атты фото-кітап көрмесі ұйымдастырылды. Көрмеге ұлағатты ұстаздың  өмір жолы баяндалған  кітаптары, фотосуреттері, баспасөз бетіне шыққан материлдар,  алған марапаттары қойылды. Мақсаты: Ұлы ұстаздың өнегелі  өмір жолы, еңбегі  жайлы таныстыру, кейінгі ұрпаққа  насихаттау. Шараға құрметті қонақтар,  ауданның зиялы қауым өкілдері, ұстаздар қауымы,  аудан тұрғындары қатысты.