Сәкен – жырдың сарқылмас дариясы

17 қазан күні Оқырмандарға қызмет көрсету  бөлімі мен №163 мектептің қазақ тілі мен әдебиеті пәні мұғалімі  Несіпкүл Шерованың бірлесіп  ұйымдастыруымен ақын Сәкен Сейфуллиннің туғанына 130 жыл толуына орай    «Сәкен – жырдың сарқылмас дариясы» атты поэзия кеші өткізілді. Мақсаты: Жас ұрпақты еліміздің тәуелсіздігі мен егемендігі үшін күрескен, Алаштың ардақтысы Сәкен Сейфуллиннің өмірі мен шығармаларын оқып білуге баулу, ақынның өз заманындағы саяси — қоғамдық көзқарасын таныту, ұлтжанды ұрпақ тәрбиелеу. Шараға  №163 мектептің  8 сынып оқушылары қатысты. Оқушылар шараны жүргізіп, ақынның өмір жолын баяндады, және   лирикалық өлеңдерін  мәнерлеп оқыды. «Сәкен-сұңқар» атты бейнефильмнен үзінді тамашалады. Оқушылар Оразбай Ақзеренің орындауында «Адай» күйін тыңдап, ”Wordwall” бағдарламасындағы тест тапсырмаларындағы  ақынның өмірбаяны, шығармашылығы туралы сұрақтарға жауап беріп, өз білімдерін көрсетті. Талғатқызы Айшаның орындауында   «Дәулеткерей» күйін, Сәкеннің  «Қараңғы түнде тау қалғып»  әнін Н.Шерованың орындауында тыңдады, Шараны Оқырмандарға қызмет көрсету бөлімінің меңгерушісі М.Жиенбаева барша қатысқан оқушылар мен ұйымдастырушыларға алғысын білдіріп, шараны қорытындылады.