Өлеңнің мініп пырағын…

18 қазан күні  Оқырмандарға қызмет көрсету бөлімінің ұйымдастыруымен  жерлесіміз ақын Бақтыбай Айнабековтің туғанына 75 жас толуына орай  «Өлеңнің мініп пырағын…» атты әдеби кеш өткізілді. Мақсаты: ақын, журналист-жазушы, дінтанушы Б.Айнабековтың өмір жолымен таныстырып, шығармашылығын насихаттау. Шараға №125 мектептің 9 сынып оқушылары мен №56 мектептің әлеуметтік педагогі Аюпова Арайдың жетекшілігімен 9 сынып оқушылары қатысты. Шара Б.Айнабековке арналған  ақын-журналист, Файзулла Сахиевтің Арнауымен басталып, оқушылар  ақынның өмір жолымен таныстырып, өлеңдерін жатқа оқыды. Кітапханашы М.Кадирбергенова ақын М.Оспановтың Б.Айнабековке арнаған арнайы арнауын оқыды. Әдеби кешке ақынның өз немерелері дайындаған бейнеролик көрсетіліп, ақын өз өлеңдерін  оқып, туған жерге деген сағынышын білдірді және  шараны ұйымдастырған кітапхана қызметкерлеріне алғысын жеткізді. «Ұстанымына нық қайсар ақын» атты кітап көрмесі таныстырылды.   Оқырмандарға қызмет көрсету бөлімінің меңгерушісі Мейрамкүл Бейбітқызы мен №125 Садықбек Сапарбеков атындағы орта мектептің қазақ тілі-әдебиет пән мұғалімі Дина Қожахметқызы, және №56 мектептің әлеуметтік педагогі Аюпова Арайға  сөз беріліп, балаларға жерлес ақын-жазушыларымызды шығармаларын насихаттау барысындағы іс-шаралар көптеп өткізілсе деген ұсыныс тастап,  кітап оқуға шақырып, шараны қорытындылады.