Қазақстан – кең байтақ Отаным!

Түгіскен ауылдық клуб үйінде клуб,кітапхана қызметкерлерінің ұйымдастыруымен 25 қазан – Республика күніне орай «Қазақстан – кең байтақ Отаным!» тақырыбында әдеби – сазды кеш өтті

Мақсаты: Жастарды Отансүйгіштікке,елжандылыққа тәрбиелеу.Туған жеріміздің Қазақстанның тарихы туралы мағлұматтар беру..Еліміздің даму жолын көпшілікке кеңінен насихаттау.

Мәдени шара домбырашылар ансамблінің орындауында «Балбырауын» күйімен ашылды.Шараны № 209 Ә.Әбутәліпов атындағы орта мектептің 9а сынып оқушысы Шанияр Ақтілек жүргізді.Аққорған ауыолдық округі әкімі аппаратының бас маманы Қ.Көшербаев құттықтау сөз сөйлеп,шараны ашып берді.Шара барысында «Менің Қазақстаным» гимні орындалды. «Жігіттер» квартеті Б.Тәжібаевтың сөзіне жазылған «Туған жер» әнін орындады. Оқушылар Қожабекова Айша мен Шанияр Ақтілек «Тәуелсіздік», «Қазақстан» өлеңдерін жатқа оқыды. 10 ә сынып оқушысы Айтөре Күнімқыз «Туған жер» әнін тамылжыта орындады. Домбырашылар ансамблі Құрманғазы Сағырбайұлының «Адай» күйін керемет орындады.Шара барысында кітапханашы А.Көшербаев оқырмандарды «Қазақстан – кең байтақ Отаным!» тақырыбында жасалған кітап көрмесімен таныстырды.Қожабаева Ләззат «Жақсы көрем қазақ деген елімді» атты әнмен шараны аяқтады.