Көшпелі тәрбие сағаты

2024 жылдың  13 желтоқсан  күні  Бірлік ауылдық кітапханасында Тәуелсіздік күні қарсаңында «Көшпелі тәрбие сағаты» жобасы аясында С.Қожанов атындағы N 55 мектептің кітапханашысы Гауһар Абсаттаровамен бірлесіп «Тәуелсіздік аманаты бабамның» — атты әдеби аукцион өткізілді.

    Мақсаты: оқушыларға Тәуелсіздік жолындағы күрестерді ғасырлар қойнауына жалғасып келе жатқан ұлы тарихтың бір белгісі екендігін түсіндіру, желтоқсан қаһармандарының тәуелсіздік жолындағы ерлігін үлгі ету.

Кітапханашы К.Сұлтанбаева шараға қатысушыларды «Тәуелсіздік шапағаты», «Желтоқсан – тәуелсіздік шежіресі» атты кітап көрмелерімен таныстырып, еліміздің тәуелсіздік алған сәтінен бастап бүгінге дейінгі жүріп өткен жолына слайд арқылы қысқаша шолу жасады. Бейне көрсетілім арқылы қазақ халқының бастан кешкен қилы заман оқиғалары туралы мәліметтер берілді.

Әдеби аукционға Абайдың «Қара сөздері», Б.Момышұлының «Ұшқан ұя», Д.Исабеквтың «Сүйекші», Ә.Нұршайықовтың «Махаббат қызық мол жылдар», Қ.Омаровтың «Әке», Б.Соқпақбаевтың «Жекпе-жек» сынды кітаптары қойылды.

Әдебиет, өнер, ғылым және спорт сынды тақырыптар бойынша дайындалған арнайы сұрақтарға толыққанды әрі дұрыс жауап берген оқушыларымыз Б.Әріпбек, Н.Нұрғазы, К.Қожаш, С.Шоқыбай, А.Әлімханқызы аукционға қойылған кітапты сыйға алу мүмкіндігіне ие болды.