Тұлға ісі-жастарға өнеге

Жаңақорған аудандық кітапханасының ұйымдастыруымен «Әлем-BOOK» жобасы аясында көрнекті мемлекет және қоғам қайраткері Тұрар Рысқұловтың 130 жылдығына арналған «Тұлға ісі-жастарға өнеге» тақырыбында №289 орта мектептің қазақ тілі мен әдебиет пәні мұғалімі Дүйсенбай Қайсардың жетекшілігімен мектеп оқушыларының қатысуымен патриоттық сағаты өтті.

Пән мұғалімі Дүйсенбай Қайсар оқушыларға слайд арқылы  Тұрар Рысқұловтың  мемлекеттілігімізді нығайтуға өлшеусіз үлес қосқан тарихи тұлға екендігін, күрделі кезеңде ел игілігі үшін аянбай қызмет етіп, талай игі бастамаға ұйытқы болып, нәубет жылдары халықты аштықтан құтқаруға атсалысқанын атап өтті. Оқушылар Т.Рысқұлов туралы мәліметтер айтып, арнаған арнауларын мәнерлеп оқыды. Кітапханашы М.Кадирбергенова қазақтың біртуар перзенті еліміздің егемендігі, түркі жұртының азаттығы жолында табанды күрес жүргізіп, бауырлас халықтардың ынтымағы мен ұлт мүддесі үшін аянбай еңбек еткен тұлғаларды ұлықтау және сол арқылы өскелең жас ұрпақты отаншылдыққа тәрбиелеу – баршамызға ортақ міндет екенін айтып, барша қатысқан оқушыларға алғысын білдіріп, шараны қорытындылады.