Балаларға арналған шығармалардан дауыстап оқу

Бірлік ауылдық кітапханасының ұйымдастыруымен 12 маусым күні С.Қожанов атындағы N55 мектеп жанындағы «Балауса» жазғы сауықтыру лагерінде балаларға арналған шығармалардан дауыстап оқу өткізілді. Жазғы шараның мақсаты — бүлдіршіндердің кітап оқуға деген қызығушылығын арттыру,  жазғы бос уақытын тиімді ұйымдастыру. Оқуға ұсынылған Арасанбай Естеровтың «Біздің батыр бабалар» кітабынан Ə.Сартай «Батырлар шежіресі» атты тараудан үзінді оқыды. Сондай-ақ, əртүрлі ертегі кітаптардан дауыстап оқуды оқушылар жалғастырды. «Көкжиек» клубының мүшесі Н.Көшербай сауалнама сабағын өткізіп, жұмбақтар жасырды. Ашық аспан астында оқу пайдалы, қызықты, ыңғайлы болды.