«Меруерт моншақ тереміз»

2019 жылдың  12 маусым күні Жаңақорған аудандық балалар кітапханасының және Бесарық ауылдық кітапханасының ұйымдастыруымен «Талдысу» лагерінде «Бір ел-бір кітап» акциясы аясында  жазушы Ә Тәжібаевтың «Меруерт моншақ тереміз» атты  лирикалық өлеңдеріне мәнерлеп оқу  өткізілді. Мақсаты:  Ә.Тәжібаевтың шығармаларын насихаттау. Балалардың мәнерлеп оқуда сөз мәнерін реттеу, сөздік қорын толықтыруға бейімдеу.

Шара барысында кітапханашы шараны ашып, жазушының өмірі мен шығармаларынан түсінік беріп өтті. Бесарық ауылдық кітапханасының кітапханашысы Ш.Қайырбергенова кітап «Сыр сүлейі-жыр дүлейі» атты кітап көрмесіне шолу жасап, балаларды Ә.Тәжібаевтың кітаптарын оқуға шақырды. Қызылорда облысының аудандарынан келген балалар шарада белсенділік танытып, автор шығармаларынан «Жер туралы үш өлең», «Атам менің», «Ұрпақ», «Қазағым бар, ендеше не қамым бар», «Жас қазақ», «Қазақстан», «Өжеттене мақтаймын жас шағымды», «Жастық туралы» атты өлеңдерін мәнерлеп оқып, талдау жасады. Шараны аудандық кітапхана директоры қорынтындылады.