Жаңа технологиялар. Жаңа бағыт. Жаңаша көқарас

2 қазан күні Бірлік ауылдық кітапханасының ұйымдастыруымен «Қызмет көрсетудің жаңа бағыттары: Жаңа технологиялар. Жаңа бағыт. Жаңаша көқарас»- атты тақырыпта семинар өткізілді. Кітапханашылардың өзара тəжірибе алмасу, тың идеялармен бөлісу мақсатында өткізілген семинарлар дәстүрлі түрде кәсіби шеберлікті арттыру үшін бағдар болып табылады және қандай да бір бағыт бойынша атқарылған жұмыстардың қорытындысын шығаруға мүмкіндік береді. Басқосуға Жаңақорған ауданының мəдениет жəне тілдерді дамыту бөлімінің басшысы А.Нұржанқызы, мектеп, ауыл əкімдігі аппаратының қызметкерлері, кітапхананың тұрақты оқырмандары, ауыл тұрғындары қатысты.

Шара барысында оқырман бенефисі өткізіліп, оған Бірлік халық театрының режиссеры Нұрқанша Аманжолқызы таңдалып, оның өлеңдері оқылып, ақынжанды кейіпкеріміздің сөзіне жазылған əн орындалып, өзі дайындаған би, сахналық қойылым көрсетілді. Сондай-ақ Нұрқайшаның дәріс берген ұстаздары қатысып өз пікірлерін қосты. Кітапханашы «Өнер — өмірімнің өзегі»- атты кітап көрмесімен таныстырды.

Шараның келесі бөлімінде «Цифрлық Қазақстан» бағдарламасын іске асыру жəне электрондық қызметтерді кеңінен тарату мақсатында кітапханашылар арасында «Электронды үкімет»порталы арқылы электрондық форматта мемлекеттік қызмет алу жолдары көрсетілді. «Кітапхана портреті виртуалды əлемде» — атты бөлімде кітапханада əр жылдары өткізілген шаралардан слайд арқылы бейнеролик көрсетілді. Шара соңында кітапханашылар өз ой пікірлерін қосты.