«Елбасы – ел тірегі» кітап көрмесі

2019 жылдың 28 қараша күні Төменарық ауылдық кітапханасында  ҚР тұңғыш Президенті күніне орай «Елбасы – ел тірегі» атты кітап көрмесі ұйымдастырылды.

Көрменің мақсаты: Елбасының көрнекті саясаткер, Ұлт басшысы ретіндегі тұлғасын, Тәуелсіз  мемлекетті қалыптастыру, жастарды өз Отанын сүюге, елжандылыққа, ержүректілікке, азаматтыққа тәрбиелеу.

«Елбасы – ел тірегі» атты кітап көрмеге Елбасымыз Н.Назарбаевтың «Сындарлы он жыл», «Қазақстан жолы», «Елмен сырласу», «Таңдамалы сөздер», «Тарих толқынында» «Кемеңгер», «Тәуелсіздік белестері» атты Елбасының өмірбаяны, жетістіктері жайлы еңбектерімен қатар Елбасының балалық шағынан бастап, ерен еңбектері жан-жақты қамтылған әдебиттер қойылды. Шараға №223 жалпы орта мектебінің 9-10 сынып оқушылары қатысты. Кітапханашы Н.Есіркепова Н.Назарбаевтың «Жылдар мен ойлар» атты кітабына шолу жасады. Клуб үйінің директоры М.Ходжаев шараға қатысып, Елбасы жайындағы ой толғамдарымен бөлісті. Кітапханашы Н.Есіркепова оқушыларға слайд арқылы Тұңғыш Президент Н.Назарбаевтың өмір тарихымен таныстырып өтті.